Izenburua: “Karlos III.a. 1425-2025. Karolino-ondarearen antzinako argazkiak”.
Datak: 2025ko uztaila-abuztua.
Edukia: Karlos III.a Noblea, Nafarroako erregea (1387-1425), arteen mezenas handi bat izateaz gain, gure kultura-ondareko hainbat bitxi ezagun eta aintzatetsien egitea ere sustatu zuen.
Erregeak Erdi Aroko gainbeheran sustatutako arkitektura, eskultura eta urregintzako lan horiek argazkigintzaren aitzindarien arreta piztu zuten goiz. XIX. mendearen amaieratik, argazkilari profesional eta afizionatuek, nafarrek eta kanpotarrek, hala nola Emilio Pliego, José Roldán, Julio Altadill, Adolfo Más edo Julio Cíak, besteak beste, monumentu eta antigoaleko irudi eder horiek hartu zituzten euren kameren objektiboan, sarritan merkaturatu zituztenak. Irudi horiek, orduan, gizartearen iraganeko erlikiekiko interes gero eta handiagoa elikatu zuten eta baita gure memoria bisuala eraikitzen lagundu zuten ere. Gaur egun, XX. eta XXI. mendeetan hasitako zaharberritze handien aurreko egoerari buruzko testigantza ordezkaezina eskaintzen digute.
Karlos III.a Noblearen (1425-2025) heriotzaren VI. mendeurrena betetzen denean, Nafarroako Errege Artxibo Nagusiak Karlos III.a Nobleak sustatutako ondareari buruz gordetzen dituen zenbait argazki zaharren erreprodukzioa erakutsiko du bere udako erakusketan.
