1950-1989 inguru
Tomás Asiain Magaña (Tutera, 1922-1989) musikari militarra, musikagilea, abesbatza zuzendaria eta banda eta orkestra zuzendaria izan zen. XX. mendeko bigarren erdiko musikari nafar ospetsuenetako bat da. Tuterako Udal Bandan klarinetista izan zen 15 urte zituenetik. 1944an, Madrilgo Udal Bandako lehen mailako bosgarren postua eskuratu zuen oposizioetan. 1955ean amaitu zituen ikasketa akademiko-musikalak, Madrilgo Kontserbatorioaren Konposizio titulua lortu zuenean. Han, Ricardo Doradorekin konposizioa ikasi zuen, banda militarreko zuzendari izateko oposizioak prestatzen zituen aldi berean, hurrengo urtean lehen deialdian irabazi zituenak. Zuzendari-musikagile militarren kidegoan sartu ondoren, Gasteizen, Jakan eta Iruñean egon zen, eta han lan handia egin zuen banda militarren zuzendari, irakasle, konpositore eta beste banda eta abesbatza batzuen zuzendari gisa. Armadatik erretiratu ondoren Tuterara itzuli zen eta bertan Fernando Remacha Kontserbatorioa eta “Joaquín Gaztambide” abesbatza bultzatu zituen.
Funtsaren dokumentazio fotografikoa musika-emanaldiei buruzko argazki positiboek eta argazki pertsonalek osatzen dute.
Tratatzeko zain.
