1934
Nafarroako Kultura Kontseilu eta Batzorde Iraunkorra 1931ko abenduaren 10ean Foru Diputazioak sortu zuen erakunde bat izan zen, eta Nafarroako Monumentu Historiko eta Artistiko ohiaren funtzioen zati handi bat bere gain hartu zuen Ondare Artistiko Nazionalari buruzko Legeak, 1933ko maiatzaren 13koak, monumentuen batzordeak deuseztatu eta gero. Foru Diputazioak berak haren araudi organikoa onetsi zuen 1933ko apirilaren 27an eta haren kudeaketa eta kontuak ikuskatu zituen. Kontseilukideak izan ziren Rufino García Larrache eta Luis Soriano, Foru Diputazioaren izenean; Iruña, Tutera, Tafalla, Lizarra eta Agoizko alkateak; Vicente Villumbrales Bigarren Hezkuntzako institutuen izenean; Mariano Sáez Morilla, Magisteritzako Eskolaren zuzendaria; Ramón Bajo Ulibarri, Nafarroako Aurrezki Kutxaren zuzendaria, eta Florencio Alfaro Zabalegui, zinegotzia eta Iruñekoaren lehendakaria; Mariano Lampreave Compains eta Benigno Janín Campo, Lehen Hezkuntzako Probintzia Batzordearen izenean; Manuel Ruiz de la Torre, arkitekto probintziala; eta izendapen askeko hiru pertsona, Arturo Campión, Julio Altadill eta José Mª de Huarte Jáuregui izan zirenak –azken hori idazkari gisa–. Geroago, Victoriano Juaristik osatu zuen izendapen askeko kideen kopurua. Nafarroako Kultura Kontseiluak arreta berezia jarri zuen oroitzapen-ospakizun eta ekitaldietan, kultura-entitateei dirulaguntzak eman zizkien eta monumentu eta ondasun kulturalak berreskuratu eta zaharberritzeko proiektuak sustatu zituen. “Cultura Navarra” aldizkaria editatu zuen, eta handik sei zenbaki atera ziren.
25 argazki barne hartzen ditu, batetik, monumentuak, zehazki Irantzuko monasterioko hondakinak, zaharberritzeko jarduketen dokumentazio grafikoari buruzkoak eta, bestetik, Errolanen Kantaren Oxfordeko eskuizkribuaren topaketaren mendeurrenaren ospakizunarenak.
Kontsultatu argazkiak ARTXIBO IREKIAn.
